Onde están les mios alcordances?

Nací llueñe, al otru llau del mar. Onde cualquier persona podría atopar un nueva vida de plenitú. Moza volví a esta tierra, la mio tierra. Y la vida diome coses bones y otres non tan bones. Sufrí y lluché, cargué pesu nos mios llombos y sudé. El mio sudu cayó na tierra que trabayé y dio frutos; unos dulces y otros amargos. Toa una vida… golpes, afalagos, amor, desengañu, frustración, felicidá,…

Y agora nun lo recuerdo. El mio pasáu o'l mio presente yá nun son sinón otra cosa que fueyes nun ríu, que llexen hasta'l mar y ellí piérdense. Les mios alcordances más amaes volaron escontra'l ocasu. Agora la mio memoria van ser los mios descendientes y mientres daquién alcuérdese de mio voi vivir, anque les mios alcordances nun tean.

Adiós a lo aprendío y lo vivío. Tola sabiduría y esperiencia… fuéronse.

Peor castigu, inxustu aportar, nun m'escaezas o yá nun nacería.